Gunnar Örn

Nytt

2006-01-09T10:35:00.000-08:00

Ég ætla að gera breytingar á síðunni. Loksins, segja sumir.
Afsakið óþægindi.

Sjitt

2006-01-01T13:19:00.000-08:00

Þetta er bara sjitt.

Frahvarfseinkenni

2005-12-25T12:30:00.000-08:00

Hver er með 'fokkin' FM 2005 diskinn minn? Ég er að verða vitlaus. Þetta er að gera mig brjálaðan. Hefur haldið mér vakandi síðustu nætur? Sá sem hefur hann má alveg skila mér honum. Ég mun ekki reiðast heldur fagna endurkomu disksins! Hann lítur svona út...

...bara hringlaga.

Rosebud/Mr. T

2005-12-17T12:53:00.000-08:00

Þetta blogg verður tvíþætt.
---
Rosebud
Ég horfði á Citizen Kane rétt áðan og hafði gaman af. Gaman að sjá mynd sem olli slíkum þáttaskilum í kvikmyndagerð á sínum tíma. Orson Welles er greinilega mjög greindur maður og gerir hispurslaust grín að William Hearst fjölmiðlakóngi í Bandaríkjunum um miðja tuttugustu öldina. Orson framleiðir, leikstýrir og leikur aðalhlutverkið í myndinni og verð ég að segja að þetta er ein besta svart/hvíta mynd sem ég hef séð.

Í myndinni er mikið af samtölum. Í byrjun myndarinnar heyrði ég einhvern segja: "...you said the union forever". En The Union Forever er einmitt lag með White Stripes. Ég komst svo síðar að því að texti lagsins er algjörlega upp á samtölum og söngvum í myndinni. Skemmtilegt. En ég fann ekkert um það á netinu.
---
Mr. T

Margir muna eflaust eftir Mr. T í hlutverki Clubber Lang í Rocky III. Þar notaði hann fyrst frasann "I pity the fool...". Síðan þá hefur hann skapað sér mynd sem 'The Utimate Mean Guy' í bandarísku þjóðlífi. Ég rakst svo á þessa skemmtilegu brandara um Mr. T á netinu og ætla að láta þá bestu flakka:

The last man who made eye contact with Mr. T was Ray Charles.

Mr T's chains are not made of gold, they are actually made of curium, one of the heaviest elements in existence. They were put there by the CIA to slow him down, and you're lucky they do, fool.

Children are afraid of the dark. Dark is afraid of Mr. T.

Mr. T is not black. It's just that the sun is to afraid to shine on him.

When Mr. T was circumsized his foreskin was not disposed of. Instead it was raised as a normal child, and it grew to love the game of basketball. Today we know Mr. T's foreskin as Shaquille O'Neal.

Mr. T puts the laughter in manslaughter.

Portrait

2005-12-12T11:44:00.000-08:00

Póstaðu nafninu þínu og ég mun...

1. Segja e-ð handahófskennt um þig.
2. Nefna lag eða mynd sem tengist þér.
3. Fyrstu skýru minningu mína af þér.
4. Eitthvað sem við bara skiljum.
5. Einhver spurning sem ég hef lengi viljað fá svar við.

Þetta er sniðugt. Ég meina það, ekkert diss.

Mun svara eins og ég get.

Boltablogg...

2005-12-10T13:47:00.000-08:00

...virðast vera vinsæl þessa stundina. Mínir menn frá kolaborginni Liverpool eru á góðri siglingu þessa dagana. Hafa ekki fengið mark á sig í heila fimmtán klukkutíma og búnir að vinna sjö leiki í röð í deildinni. Á meðan hafa lið eins og Arsenal, Man Utd og Chelsea verið að misstíga sig. Með þetta góða 'run' í huga hafa margir velt vöngum yfir hvort Liverpool verði ekki bara Englandsmeistarar í maí 2006. Tjekkum aðeins á þessu:

Þessir sjö sigurleikir Liverpool í deildinni hafa verið á móti; West Ham, Aston Villa, Portsmouth, Man City, Sunderland, Wigan og Middlesbrough. Þessi lið eru öll við miðja deild eða fyrir neðan miðju eins og staðan er í dag. Svo inn í þetta blandast svo sigurleikur á móti Anderlecht og jafnteflisleikir á móti Real Betis og Chelsea í Meistaradeildinni. Allir eru að missa sig yfir þessu góða 'runni' en er þetta eitthvað merkilegt. Maður myndi nú búast við því að sjálfir Evrópumeistararnir myndu sigra lið við miðja deild í Englandi, liðið í neðsta sæti á Spáni og lið frá Belgíu, ... Belgíu. Ég er ekkert að segja að þetta sé ekki gott því þetta er í raun stórgott en alls ekki eitthvað sem maður á að missa sig yfir; spá meistaratitli og þess háttar. Þetta er bara gott leikjaprógram. Áður en Liverpool verður að stórveldi verðum við að hugsa eins og stórveldi. Takmarkið er þá að vinna öll lið og láta það ekki koma sér á óvart ef við vinnum nokkra leiki í röð. Sjáum bara Real Madrid. Þeir tapa nokkrum leikjum og þá er crisis. Þannig á það að vera.

Ég er ekki að spá neinu. Ég er bara að líta á þetta raunsæisaugum. En svona til að enda þetta þá kemur hér ein sem kætir alltaf...

Template

2005-12-07T09:30:00.000-08:00

Ég held að þetta 'template' sé að syngja sitt síðasta. Myndirnar eru hverfa ein af annarri og ýmis skemmtileg skilaboð líkt og 'File Not Found' koma í staðinn. Ég ætla að halda þessu.
---
Ég ætla að vera svo frjálslegur að giska á hvernig mér hefur gengið í prófunum. Svo uppdeita ég.

Efnafræði: 7.0
Líffræði: 7.0
Þýska: 8.0

Aunt

2005-12-06T15:24:00.000-08:00

Þessi próf eru að éta sál mína innan frá. Efnafræðin var svínsleg og líffræðin hefði mátt vera mér hliðhollari. Þetta er örugglega bara það sem ég á skilið. Það sem maður kann, það getur maður.

Vitur maður sagði eitt sinn: Enginn er verri þótt hann vökni.
...og þetta er bara alveg rétt sé átt við persónur. En þegar við færum okkur út í hluti og þess háttar verður raunin önnur. Lýsingarorðið 'verri' takmarkar umfjöllunarefnið við karlkyns hluti. Þá getum við sett fram dæmi. Votur bolur er svo sannarlega verri enn þurr bolur. Við getum öll sammælst um það. Við myndum ekki kaupa votan bol í Hagkaupum, er það nokkuð? Æi, ég ætlaði að fara eitthvað lengra með þetta.

Ég vil lýsa frati á gatnamót Kringlumýrarbrautar og Miklubrautar. Þessar breytingar upp á 100 milljónir króna hafa engu skilað. Bara verri gatnamótum!

Þetta var lélegt.

Mæster

2005-11-30T15:10:00.000-08:00

Hah! Ofboðslega vel gert í Photoshop forritinu.

Tyrkland er langheitasti staðurinn. Við erum að tala um +40°C. Það er sko ekkert lítið. Það er nefnilega frekar mikið fyrir menn eins og mig. Maður eins og ég er skjannahvítur. Þegar maður eins og ég skellir sér á ströndina segja...

Spánverjarnir:
¡Hey! ¿Es eso un glaciar?

Ítalarnir:
Hey! È quello un ghiacciaio?

...og Hollendingarnir:
Hey! Is dat een gletsjer?

Fróðir menn geta svo ráðið í þetta.

2005-11-26T10:33:00.000-08:00

Enginn sigurvegari. Ekkert hægt að deila við dómarann og allt það. Enginn kom með 100% rétt svar. Strangur.
---
Ég hef mjög lítið við tíma minn að gera. Í dag hef ég skoðað www.pandora.com og www.radioblogclub.com sem eru frábærar síður. Á meðan þjóðir svelta og Pakistanar deyja úr kulda sit ég heima og bölva sjálfum mér fyrir að vera orðinn svona líka djöfullega feitur. Ef ég mætti ráða myndi ég gefa aukakílóin mín til bágstaddra en ég ræð því víst ekki. Það er heldur ekki hægt. Ég gæti dáið sjálfur í ferlinu. Talandi um fitu þá sá ég konu áðan sem var barasta ekki neitt feit. Henni veitti ekki af smá síðuspiki til að halda á sér hita í vetrarhörkunum.

Ég er víst í fimmta bekk. Það þýðir að í sumar fer í útskriftarferð með árganginum mínum. Nú ganga þær fjöllum hærra að þrír áfangastaðir hafa verið valdir til kosningar. Saga sem gengur enn hærra segir að einn þessara áfangastaða sé Búlgaría. Það líst mér svo sannarlega vel á. Búlgaría hefur ávallt átt stað í mínu hjarta eftir að þeir sýndu frábæra frammistöðu á HM '94 í Bandaríkjunum þar sem þeir enduðu í fjóra sæti. Aldeilis stórglæsilegur árangur það með menn eins og Ivanov og Popov í fararbroddi. Sófía heitir höfuðborg Búlgaríu en orðið sofia þýðir einmitt viska og hefði ég ekkert á móti því að svala þorsta mínum í þeim viskubrunni sem borgin býr yfir í sumar. Ég leitaði mér upplýsinga á netinu og komst að því að verðlagið í Búlgaríu er einstaklega hagstætt fyrir fátæka námsmenn á Íslandi. Ódýr máltíð á víst að kosta rétt rúmlega 150 íslenskar krónur og bjórinn á skitnar 50. En ef einn á að skemmta sér ærlega í landi Ivanonvs verður sá að fylgja lögunum því búlgarska lögreglan á víst að vera hörð í horn að taka. Menn (og konur) eru sektaðir hægri vinstri fyrir að brjóta hin smæstu lög svo sem að berja konuna sína og svíkja skattinn. Eru víst smásmugulegir þessir Búlgarar, asskotinn hafi það. Gjaldmiðill í Búlgaríu heitir lev eftir einni skærustu kvikmyndastjörnu Búlgaríu á fimmta áratugnum, Lev Lavrov. Nei, ég skrökva. En gjaldmiðillinn heitir lev og ég þekki ekki styrk hans.

Svara i sömu mynt

2005-11-22T15:11:00.000-08:00

Getraun. Þið þekkið reglurnar. Verðlaun eru bókin sem ég á hjá Steindóri ásamt fljótandi vökva sem freyðir og er ekki kók.
---
1. Hvað er Сою́з Сове́тских Социалисти́ческих Респу́блик?

2. Hvað er Arkimedesarfastinn?

3. Hvað er að gerast á þessari mynd?

4. Hvaða gríðarþekkta hljómsveit hét áður The Farriss Brothers?

5. Hvaða þjóðir spiluðu um þriðja sætið á HM 1930 í Úrúgvæ?

6. Hvað kallast HCl öðru nafni?

7. Hvað heitir aðstoðaríkorni broddgaltarins Sonic í Sonic the Hedgehog II?

8. Hvaða íslenski kaupstaður er þetta?

9. Hvað er Megasukk?

Var ógeðslega lengi að búa til tíunda spurninguna en hér kemur hún.

10. Því meira sem þú hefur af því, því minna sérðu. Hvað er það?

Hah!

Heiðarleg tilraun

2005-11-20T14:47:00.000-08:00

Þessi tuttugu lög eru efst í iTunes ef ég smelli á Play Count hnappinn. Einkar skemmtilegt að sjá hvað maður hlustar á gífurlega smáan hluta þess efnis sem maður á.
---
1. Titilag MegaMan 3 sem fyrirtækið Capcom gaf út.
2. Susie Q með Creedance Clearwater Revival
3. Girl með Beck
4. Ready2Wear með Benny Benassi
5. Honest Mistake með The Bravery
6. The Message með Grand Master Flash
7. Rusty Cage með Johnny Cash
8. Frankly, Mr. Shankly með The Smiths
9. Feel Good Inc. með The Gorillaz
10. The Wanderer með Johnny Cash ásamt U2
11. The One með Trabant
12. Don't Go Breaking My Heart með Elton John og Kiki Dee
13. Radio #1 með AIR
14. Boney M Megamix
15. Waterloo með ABBA
16. Ashes to Ashes með David Bowie
17. Run Like Hell með Pink Floyd
18. The Boy With the Thorn in his Side flutt af Jeff Buckley
19. Gimmie Gimmie Gimmie með ABBA
20. Hollaback Girl með Gwen Stefani

Sjitt. Flest öll æðisgengin lög.

Skemmtiefni:
www.gunnarorn.blogspot.com
Eftir að hafa skoðað þessa síðu varð mér ljóst að ég verð að verja nafnið Gunnar Örn með kjafti og klóm. Þessi Gunnar Örn kemur óorði á okkur hina.

Mr. Silly

2005-11-13T13:12:00.000-08:00

Æih.

Diss

2005-10-27T11:43:00.000-07:00

Fyrst að við erum komnir yfir í myndadissið hér þá...

...haha. Ég bara varð.

Ekki spaug

2005-10-23T07:19:00.000-07:00

Okey. Ég er ekki að djóka. Eftir að hafa setið með tölvuna í kjöltunni í dágóða stund, sem sagt tölvan hvílir á lærunum, þá fæ ég verk í nárasvæðið. Ekki ýkja langt frá staðnum þar sem kynfærin eru. Tölvan er ekki það þung að hún valdi verkjunum og því er ég að spá hvort þetta sé nokkuð einhvers konar geislun. Ég er með þráðlaust netkort og því veit ég fyrir víst að einhverjir geislar beinast að mér þegar ég 'downloada' og svona. Ekki amalegt að fá nokkur megabæt af Kanye West og Golddigger í gegnum hið allra heilagasta. Heh?

---
Smá uppfærsla

Allir að tjékka á Benny Benassi sem er án efa heitasti tónlistarmaðurinn minn í dag. Hver þekkir ekki lög og remix eins og:
I Love My Sex
Ready2Wear
Born To Be Alive

Tékkið á honum.

Menning?

2005-10-20T15:15:00.000-07:00

Íslenski Bachelorinn (ísl. piparsveinn) er næstum jafn feitur og ég.
Einar Bárða er feitari en ég.
Ástarfleyið er sorglegra en dauði Díönu.
Páll Magnússon 'rúlar' þessa stundina.
---
Life Aquatic with Steve Zissou er ógeðslega góð mynd.
Burt Reynolds sem Turd Ferguson er ógeðslega fyndið.
---
Vissuð þið að allir Svisslendingar eiga skv. lögum að eiga aðgang að sprengjuskýli?
Hmm. Alltaf lærir maður eitthvað nýtt.
---
David Bowie - China Girl

Musikblogg

2005-10-17T15:27:00.000-07:00

Ég ætla að telja upp lög sem mér finnst skemmtileg þessa stundina og af hverju.
---
I. In Particular með Blonde Redhead. Af því að ég veit það ekki.
II. Unchained Melody með Righteous Brothers. Ég heyrði það í Cheers þætti. Eina lagið sem kom Rebeccu til.
III. Twisted Nerve með Bernard Hermann (flaut-lagið úr Kill Bill). Af því að það heitir Twisted Nerve.
IV. Helter Skelter með Bítlunum. Því Charles Manson drap fólk.
V. It's a Long Way to Tipperary með John McCormack. Frábært atriði.
---
Það er mjög súrt og asnalegt að telja upp fimm lög sem maður hlustar á og af hverju. En ég geri það samt. Því ég er svo súr og asnalegur gaur. Hah! Þar hafið þið það.

Partý

2005-10-14T16:42:00.000-07:00

Ég er partý! Standani partý! Pissusagan að gera góða hluti. Aðrir ekki! Ég þarf að taka góða bakhönd á suma sko! Haha! Beggi er að gera góða hluti! Fyrsta sinn sem ég hef 'bloggað' ölvaður! Það er gaman! Ég er að nota frasa sem ég hef aldrei notað! Sælar! Sælaaaar! Þrír dagar eða? Ég veit það ekki! Hvað á ég að rugla um? Gúndi er að gera góða hluti, þú veist hvað ég er að tala um þegar ég segi skuld! haha! Gamla góða bakhöndin! Beggi þekkir það! haha!

Góðir gaurar! Haha! Gúndi ég er að stríða þér!

Helvítis klukk

2005-10-08T09:30:00.000-07:00

Við unnum!
---
Steindór klukkaði mig. Það er ógeðslega asnalegt en mér finnst ég tilneyddur til þess að segja fimm hluti um sjálfan mig sem fáir vita. Skilst mér.

I. Þegar ég var yngri var ég skíthræddur við drauga og alls kyns furðuverur. Eftir að hafa horft á þætti eins og X-Files eða myndir eins og Alien lá við að mamma yrði að hringja á sálfræðing til þess að róa mig. Man sérstaklega hversu ég var hræddur við the Blair Witch. Samt

II. Ég er nefndur í höfuðið á bæði mömmu og pabba. Pabbi heitir Guðmundur Gunnar og mamma heitir Erna <=> Gunnar Örn

III. Ég varð fyrst ölvaður í faðmi fjölskyldunnar. Á aðfangadagskvöld! Nei, fjölskyldan mín er pakk. Skyndiáhugi minn á rauðvíni er ástæða þessa. Það var gaman að opna pakkana en þessu fylgir að sjálfsögðu smá skömm.

IV. Ég er ógeðslega feiminn. Þegar ég hitti fólk sem ég þekki ekki eða hitti sjaldan bregst ég við með því aðhafast ekkert. Þetta greinir sumt fólk sem hroka en er í raun feimni. Segja nú margir: Þú, feiminn? Já.

V. Ég tárast yfir sumum myndum; Rocky I þó aðallega.
---
Ég klukka hér með Kristján Jón, Berg, Gauja og Stefán Karl Hjartarsson hástökkvara (veit ekki hvort hann lesi þetta en...kannski)

Ömurlegt

2005-10-02T10:20:00.000-07:00

Ég var settur út úr liðinu. Kallinn er ekki sáttur og mennt er greinilega ekki máttur. Þetta gerði mér þó kleift að fara með strákunum (Kristjáni og Arnaldi) í bolta í gær. Boltinn var góður.

Farinn í fýlu!

Leti

2005-09-24T03:57:00.000-07:00

Æi, men. Veit ekki hvað ég geri. Kíki betur á þetta seinna.

Tölvan

2005-09-15T14:58:00.000-07:00

Jög var að kauba mjer tölvu.
Geðveigt!

Lykilorð

2005-09-11T10:56:00.000-07:00

Ég...fótbolti...lokahóf...gaman...ekki...menn...gamlir...skilja...fótbolta...vel...ekki...ég...sama...alveg...er...Arnaldur...NewYork...Kristján...hjarta...slæmur...stærðfræði...áhyggjur...þriðjudagur...busaball...gaman...hommar...Palli...

Okey!

2005-09-08T13:41:00.000-07:00

Úr hvaða bíómynd er þetta?

Úr hvaða...

2005-09-06T16:39:00.000-07:00

...bíómynd er þetta skot?

Hörmung

2005-09-04T07:07:00.000-07:00

Við vitum öll hvað í gangi í New Orleans. Veðurofsinn sem fellibylurinn Katrín olli hefur stórskemmt jafnvel eyðilagt heila borg. Margir íbúar hafa flúið borgina og jafnvel enn fleiri reyna að halda til í borginni. Ástandið er hræðilegt. Á þessum tímum ætti fólk að standa saman og veita hvort öðru hjálp. En...neibb! Þess í stað fer fólk rænandi og ruplandi um alla borgina. Vöruhús eru tæmd, skartgripir, föt, rafmagnstæki, búsáhöld. Öllu er rænt. Meira að segja heimili eru rænd. Ég veit ekki með ykkur en mér finnst þetta alveg fáránlegt. Þegar svona 'disaster' hefur riðið yfir skellir fólk sér í vondukalla-gírinn og rænir.

Við höfum nú átt okkar 'disastera' hér á Íslandi. Þá er ég aðallega að tala um snjóflóð enda eru snjóflóð einna mannskæðustu náttúruhamfarirnar sem við Íslendingar upplifum, að eldgosum að sjálfsögðu undanskildum. Mér er minnisstætt snjóflóðið sem féll á Súðavík 1995 þar sem nítján manns lét lífið. Mágur minn komst lífs af úr snjóflóðinu. Húsið hans eyðilagðist. Allt var í rúst. Fólk var týnt undir snjó og björgunarsveitir að gera hvað þær gátu. Hvað ef....hvað ef fólkið sem komst lífs af hefði bara byrjað að stela. Labbað út í kaupfélagið og tekið tvær kippur af kók og ristavél. Bara því það er hvort eð er allt í rúst og allir eru dauðir. Ojbara.

Ekkert

2005-08-29T13:56:00.000-07:00

Ég hef ekkert að segja. Nákvæmlega ekki neitt. En af því að ég hef ekkert að segja get ég sagt frá því að ég hef ekkert að segja. Það er þversögn. Líf mitt hefur fyllst óendanlegu tómi sem teygir anga sína langt inn í hinn óræða heim. Tíminn er núna. Endalokin er núna.

Búið

2005-08-24T09:27:00.000-07:00

Skólinn er byrjaður. Nýr bekkur, nýtt fólk og nýir kennarar. Leggst alveg ágætlega í mann, þessi bekkur. Vonum að það haldist út allan veturinn. Mælska mín er á þrotum. Læt manninn að ofan um að skemmta ykkur.

Menningarkvöld

2005-08-20T13:13:00.000-07:00

Hef ekki orðið var við mikla menningu í dag. Frekar ómenningu frá manninum að ofan.

Samsæriskenningar II

2005-08-18T15:40:00.000-07:00

Undanfarna daga hef ég lent í hringðu samsæra. Hvert samsærið leiðir að öðru og nú er ég fastur. Fann eitt mjög gott á alnetinu í dag. Það samsæri tengist morðunum á Abraham Lincoln og John Fitzgerald Kennedy. Þeir voru báðir myrtir á meðan þeir gegndu embætti forseta Bandaríkjanna. Ég ætla að telja upp nokkrar mjög svo undarlegar tilviljanir.

Lincoln var kosinn til þings 1846. JFK var kosinn til þings 1946.
Lincoln var kosinn til forseta 1860. JFk var kosinn til forseta 1960.
Þeir voru báðir skotnir á föstudegi og báðir skotnir í höfuðið.
Ritari Lincolns hét Kennedy. Ritari Kennedys hét Lincoln.
Eftirmenn beggja hétu Johnson.
Andrew Johnson sem tók við af Lincoln var fæddur 1808. Lyndon B. Johnson sem tók við af JFK var fæddur 1908.
John Wilkes Booth, sá er skaut Lincoln, var fæddur 1839. Lee Harvey Oswald, sá er skaut JFK, var fæddur 1939.
Booth flúði frá leikhúsi í vöruhús. Oswald flúði úr vöruhúsi í leikhús.

Og nú sú tilviljun sem mér finnst skemmtilegust...

Mánuði áður en Lincoln var skotinn var hann í bænum Monroe í Marylandfylki. Mánuði áður en JFK var skotinn var hann í Marilyn Monroe.

Tilviljanir? Ég veit það ekki.

Fallegasta kona í heimi

2005-08-15T22:36:00.000-07:00

Það verður að viðurkennast að Monica Bellucci er ein fallegasta kona í heimi. En að hún sé gift þessum vibba er út í hött.

Samsæriskenningar

2005-08-11T20:35:00.000-07:00

Í vinnunni hef ég lítið annað að gera en að handleika spýtur og hlusta á útvarpið. Að hlusta á útvarpið er mun skemmtilegra en að handleika spýtur. Ég hlusta á X-FM og Talstöðina og reyni að hitta á þættina Mín Skoðun og Hrafnaþing. Ef ekkert skemmtilegra býðst næ ég í kærastann minn. Hvað um það.

Á Talstöðinni heyrði ég viðtal við mann sem kallar sig Elías Davíðsson en hann heitir reyndar Elijah Khan og er Palestínumaður. Hann hefur unnið í mörg ár fyrir Amnesty International og er á allan hátt mjög merkilegur maður. Hann hefur líka skoðanir á mörgum hlutum til dæmis hryðjuverkaárásum. Og þá sérstaklega 11. september 2001 í New York og 7. júlí 2005 í London. Ég ætla ekki að hafa þetta eftir honum hérna á síðunni en endilega dembið ykkur í smá 'konspírasí' á síðunni hans.

www.aldeilis.net og www.juscogens.org

--Update--

Mér sýnist hann hafa fjarlægt tenglana um samsæriskenninguna um 11. sept og 7. júlí. Og það rétt eftir að hann talaði um það í útvarpinu. Skrítið?

--Update--

Neibb. Tengillinn er kominn aftur. www.aldeilis.net/911

A la Bó

2005-08-07T13:08:00.000-07:00

Þetta finnst mér ógeðslega fyndið.

Samkynhneigður leiðbeinandi: Strákar, þið verðið að byrja á garðinum.
Strákar: Við erum búnir með hann.
Samkynhneigður leiðbeinandi: Ohh, vá! Súperdúber! Þið eruð æði!

Þetta fannst mér líka ógeðslega fyndið.

G-ÖRN

2005-08-04T09:47:00.000-07:00

Einhver algjör apaköttur hefur klófest númerið sem ég hélt að væri ætlað mér. Samt, þetta er alveg drullufyndið.

Orðabókartilvitnun dagsins:
ISO erl. skammstöfun á heiti Alþjóðlegu stöðlunarstofnunarinnar (e. International Standardization Organization).

Dzah!!

2005-08-02T10:19:00.000-07:00

Ég komst að því þegar hlustaði á útvarpsfréttir á Rás 2 að nýr hópur fólks hefur myndast. Þetta eru íslamistar. Já, íslamistar, og þeir skipa sér í hóp með nasistum, fasistum og píanistum. Íslamistarnir voru nefndir í sambandi við hryðjuverkaöldin nú geisar í London. Íslamista ber að varast eins og heitan eldinn.

Nú veit ég ekki hvort fréttamanninum hefur mismælst en þetta er fáránlegt. Íslamisti! Þetta er bara rangt.

Verslunarmannahelgin - 5. hluti

2005-08-01T14:16:00.000-07:00

Þetta er samtal tveggja manna sem ekki eru til í raunveruleikanum. Ég bjó þá til í huga mínum. Þeir eiga sér heldur ekki fyrirmynd í raunveruleikanum þó að einhverjar aðgerðir þeirra líkist verkum annarra. Ég ætla að kalla mennina Kraut og Charlie.
---
Kraut: Sæll vertu.
Charlie: Nei, komdu sæll Kraut. Hvernig hefur þú það?
Kraut: Ég hef það fínt. Takk fyrir síðast.
Charlie: Já, alveg rétt. Það var gaman.

Kraut tekur nú upp mynd og sýnir Charlie.

Charlie: Bíddu nú hægur! Þetta er ég!
Kraut: Já.
Charlie: Og...
Kraut: Já.
Charlie: Þú!
Kraut: Þú varst sofandi.
---

Þetta sýnir berlega hvernig Verslunarmannahelgin getur farið með menn.

Innskot

2005-07-31T12:45:00.000-07:00

Ég ferðast á milli vídda.

Verslunarmannahelgin - 4. hluti

2005-07-31T08:18:00.000-07:00

Sunnudagur
Á síðustu dögum hef ég horft á slatta af kvikmyndum. Þær hafa flest allar verið stórgóðar myndir sem mér finnst vert að minnast á.

Dr. Strangelove eftir Kubrick
IMDB: 8,7
Frábær mynd. Virkilega skemmtileg.

Saving Private Ryan eftir Spielberg
IMDB:8,3
Upphafsatriðið er geðveikt. Allt of löng en samt góð.

Victory eftir Huston
IMDB:6,0
Stallone í essinu sínu. Lokaatriðið er frábært.

Pulp Fiction eftir Tarantino
IMDB:8,8
Alltaf jafn góð. Maður tekur alltaf eftir einhverju nýju stöffi.

Lord of the Flies eftir Brooks
IMDB:7,1
Gerði mér of miklar væntingar. Tapaði á því.

Verslunarmannahelgin - 3. hluti

2005-07-30T17:28:00.000-07:00

Þessi mynd er lýsandi fyrir daginn í dag.

Laugardagur
Ég gerði ekki neitt í dag. En í gær fór ég í villt kokteilboð heima hjá Svanhvíti. Þar var allt morandi í stelpum. Ég og Kristján Jón vorum einu strákarnir á svæðinu. Kristján hafði tekið með sér Finlandia Vodka og ég var með vondan enskan bjór og freyðivín. Við sötruðum rólega. Hersingin ákvað svo að halda í bæinn og eltum við að sjálfsögðu í humátt á eftir. Svanhvít á flott hús þó þar hafi allt verið í drasli. Í bænum hét ég Styrmir Þ. Einarsson.

Í kvöld gaf mágur minn mér að borða. Heima hjá honum heiti ég Gunnar Ragnarsson af ástæðum sem eru mér ókunnar.

Innskot

2005-07-29T13:05:00.000-07:00

Ég vil vekja athygli á því að hægt er að nálgast linka efst í hægra horni síðunnar. Þar mun vera plús. Einungis þarf að færa bendilinn yfir plúsinn. Þetta sést vel á myndinni að ofan. Takk fyrir.

Verslunarmannahelgin - 2. hluti

2005-07-29T12:54:00.000-07:00

Föstudagskvöld
Ég heyrði eitt sinn ógeðslega sögu sem var ógeðsleg. Hún fjallaði um konu sem vann á skrifstofu. Einkar venjulegri skrifstofu. Einn daginn kom skrifstofustjórinn til hennar og sagði henni að skrifa bréf til manns og senda það samdægurs. Sagan gerist fyrir tíma Internetsins og þar af leiðandi tölvupóstsins og því þurfti konan að handskrifa bréfið og senda það í venjulegu umslagi. Hún skrifaði bréfið og setti það í umslagið. Umslög eru þannig gerð að til þess að loka þeim almennilega þarf maður að bleyta límrönd sem síðast lokar umslaginu. Þið vitið hvað ég á við? Flestir bleyta límröndina með því að sleikja hana og það var nákvæmlega það sem þessi kona gerði. Hún sleikti límröndina, setti bréfið í póstkassann og kippti sér ekkert upp við það. Eeen...eftir rúma viku byrjaði að myndast uggvænlegt kýli í tannholdi konunnar. Hún hélt að þetta væri venjulegt munnangur og ætlaði að sprengja það. Um leið og hún potaði fast í það sprakk það og út skreið ógeðslegur kakkalakki! Þá hafði einhver óprúttinn náungi sett kakkalakkaegg á límröndin á umslaginu. Oj!

Ég var að komast að því að þessi saga er ósönn. Hjúkket. Ég get farið að senda bréf aftur.

Verslunarmannahelgin - 1. hluti

2005-07-29T03:10:00.000-07:00

Föstudagur

Ég og þessi traktor áttum notalega stund saman síðustu helgi. Þessi helgi verður þó allt öðruvísi. Margir kunningjar mínir ætla til Akureyrar, aðrir ætla til Vestmannaeyja en flestir ætla að halda til í bænum. Ég ætla að vera í bænum. Hvert ætlið þið?

Sá leik Chelsea og DC United í nótt. Það kom mér á óvart hve Bandaríkjamennirnir voru þokkalegir. Þó eru þeir í miðju keppnistímabili á meðan Chelski menn í miðju 'pre-season'. Ég held að DC United myndi alveg spjara sig á Englandi.

Sumardagar

2005-07-28T04:07:00.000-07:00

Seinni hluti sumars er heldur betur að fara vel í mig. Eins og stendur er ég í fríi. Tveggja vikna fríi sem hófst á mánudaginn og lýkur tveimur vikum eftir þann dag. Ég og atvinnulausi félagi minn og tilvonandi sambýlismaður Kristján Jón höfum vafrað um stræti og útjaðra Reykjavíkurborgar í sumarblíðunni. Sólin hefur leikið við andlit okkar og gert okkur næstum því sæta.

Meira seinna.

Nýtt stöff

2005-07-27T06:38:00.000-07:00

Mættur aftur. Aldrei hressari!
p.s.
Athugasemdakerfið í rugli.
p.s. II
Athugasemdirnar eru komnar í gang.

Sorry...

2005-07-05T13:23:00.000-07:00

...ég nenni ekki að blogga.

Sko...

2005-06-27T15:14:00.000-07:00

...ég er bara ekkert sáttur við hana Mjallhvíti. Þannig er nefnilega mál með vexti að ég varð þeirrar gæfu aðnjótandi að fá að hlusta á ævintýrið um Mjallhvíti og dvergana sjö um helgina. Systurdóttir mín ákvað nefnilega skyndilega að Mjallhvít væri málið í geislaspilarann. Það þekkja allir ævintýrið um Mjallhvíti en fyrir þá sem hafa gleymt er Mjallhvít undurfögur konungsdóttir sem lendir í mannraunum er stjúpmóðir hennar reynir að myrða hana.

Mjallhvít er ekki alveg fulle fem. Sko.

I. Í fyrsta skipti sem stjúðmóðirin reynir að drepa hana klæðir hún sig(stjúpan) upp sem gömul kona sem selur mittisbelti. Mjallhvít kaupir rautt mittisbelti og leyfir gömlu konunni að festa það á sig. Sko, í fyrsta lagi myndi ég fríka út ef gömul kona kæmi og bankaði á hús sjö dverga í miðjum skógi í Þýskalandi á meðan ég væri að passa það. Svo er hún að selja mittisbelti. Hvern grunar ekki eitthvað þegar gömul kona er að selja mittisbelti í miðjum skógi.

II. Önnur morðtilraunin er svipuð. Mjallhvít hleypir gamalli sölukonu inn í hús dverganna og kaupir af henni greiðu, sem eitur er í. Samt voru dvergarnir búnir að harðbanna Mjallhvíti að opna fyrir hverjum sem er. Mjallhvít er bara heimsk.

III. Ég hélt að maður myndi læra af reynslunni. En neeeii. Ekki Mjallhvít. Nú hleypir hún gamalli bóndakonu inn í hús dverganna sem gefur henni epli, sem eitur er í. Ólyfjan. Ég vissi að hún væri heimsk en ekki svona heimsk. Að falla fyrir sama bragðinu þrisvar.

Auka

IV. Konungssonurinn sem bjargar Mjallhvíti, sko, hann er ekki venjulegur. Hann sér Mjallhvíti í glerkistunni sem dvergarnir gerðu handa henni og verður yfir sig hrifinn af henni. Sko. Konungssonurinn verður hrifinn af Mjallhvíti. Og hann vill kaupa hana. Í glerkistu. Og hún er dauð. Þessi gaur ætlar að kaupa lík og geyma það í höllinni sinni. Oj barasta. Svo á þetta að vera barnaævintýri.

----

Ekki fer Sirkus vel af stað. Guðmundur Steingrímsson er án efa versti sjónvarpsmaður í heimi. Framkoma hans er til skammar. Kvöldþátturinn er til skammar. Sjónvarpsstöðin er til skammar. Alveg fáránlega lélegt sjitt þarna. Nema kannski American Dad.

Mér líður eins og ég sé í kafi. Alveg satt.

Góða nótt

Apríl 2004

2005-06-23T14:06:00.000-07:00

...sagði Oprah Winfrey í blaði sínu O Magazine:

If you neglect to recharge your battery, it dies. And if you run full speed ahead without stopping for water, you lose momentum to finish the race.

Á íslensku gæti þetta skilist sem:

Ef þú endurhleður ekki rafhlöðuna þína, þá deyr hún. Og ef þú hleypur eins hratt og þú getur án þess að stöðva til þess að drekka vatn, þá hefur þú ekki kraftinn til að klára hlaupið.

Hún talar auðvitað í myndmáli. Hlaupið sem hún talar um getur verið lífið sjálft eða eitthvað verkefni sem einstaklingur tekur sér fyrir hendur. Maður á ekki að ana út í hlutina án þess að gera sér grein fyrir víðfeðmi þeirra. Skipulagning og varkárni skipta sköpum. Þetta lærði ég the hard way í vikunni.

Ég er veikur. Ég var veikur á mánudaginn. Ég var ekki veikur á þriðjudaginn. Ég var veikur á miðvikudaginn. Ég er veikur. Ég gerði mér ekki nægilega grein fyrir veikindum mínum og anaði í vinnuna án þess að gera út um veikindin. Það nennir enginn að lesa þetta sjitt.

Ég er algjör vítabani. Lesiði bara hér. Asnó?

Veikindin hafa þó glatt mig að einu leyti. Ég hef horft á margar kvikmyndir.

Full Metal Jacket
Stórgóð mynd meistara Kubricks. Algjör ádeila á Víetnamstríðið. Fyndin og átakanleg.

Apocalypse Now. Redux
Hmm. Mér finnst hún góð. Horfði á hana í þremur pörtum enda er þessi útgafa ekki nema 194 mínútur! Lagið The End með Doors er notað á frábæran hátt.

Road to Perdition
Mjög góð mynd sem lét lítið fyrir sér fara þegar hún var í bíó. Klassaleikarar og klassamynd.

Vanilla Sky
Án efa besta myndin af þessum. Endirinn, bara, ha, hvað? Geðveik. Penelope Cruz er mjög sæt.

2005-06-17T15:18:00.000-07:00

Annar hluti.

Venjulega er sautjándi júní ömurlegur dagur í mínu lífi. En sautjándi júní 2005 var bara helvíti skemmtilegur. Skrapp í vinnuna fyrir pabba og vann mér inn tvo tíma. Kíkti svo í bæinn í blíðskaparveðri ásamt Arnaldi og Kristjáni Jóni. Með í för voru bræður þeirra. Ég á engan bróður. Við lékum okkur saman í sólinni og leið ekki á löngu þar til drengirnir urðu svangir. Allir krakkarnir fóru út í körfubolta nema Bergur, hann var dvergur. Allir krakkarnir fengu sér að borða nema Gunnar, hann var feitur.

Ástkær Eygló systir mín bauð mér reyndar í mat. Hann var virkilega góður og mikið á boðstólum. Þegar ég verð gamall og ljótur ætla ég að bjóða henni einhvern tíman í mat. Hún á það skilið.

En jæja...

Fyrsta tebó skólaársins var haldið í gær. Heppnaðist stórkostlega að sögn. Mikið af góðu fólki þar. Meistari Bergur var á svæðinu og sá um að halda partý-inu gangandi (þessi setning átti að hljóma asnalega). Meistari Arnaldur sótti mig um fimmleytið og á hann þennan meistaratitil algjörlega skilið fyrir það. Löggan stoppaði hann reyndar. Hélt að hann væri fullur en hann keyrir bara svona illa. Meistari Steindór var líka á svæðinu. Ömurlegur gaur að mæta á viðburði sem koma honum ekkert við. Gaurinn ætti að læra að kúpla sig úr MR.

Feis. Bæ.

Þetta verður...

2005-06-17T07:30:00.000-07:00

...alveg feikilega massíf færsla sökum þess að ég hef ekki verið duglegur upp á síðkastið. Þið fáið þetta því bara allt í einum skammti. Það getur samt verið hættulegt því of stórir skammtar geta leitt til dauða.

Laugardaginn 12. júní fór ég á virkilega skemmtilega og ánægjulega tónleika á NASA. Trabant var að spila. Kvöldið hófst á því að ég, Arnaldur höfðingi og meistari Kristján Jón sötruðum bjór heima í íbúð í Vesturbænum. Eftir þó nokkuð tal um óréttláta knattspyrnuþjálfara og lélegt uppeldi lá leiðin niður í bæ. Á leiðinni hittum við gott fólk sem einmitt líka á leiðinni á þessa sömu tónleika. Á NASA var stemmningin engu lík og kvöldið virkilega eftirminnilegt. Á NASA hitti ég líka fullt flottu og góðu fólki sem ég reyni nú að telja upp.

Arnaldur Smári [íbúð, á götum úti, NASA]
Kristján Jón [íbúð, á götum úti, NASA]
Haraldur Gunnar [á götum úti, NASA]
Lena [á götum úti, NASA]
Saga [NASA]
Sigurður Arent [NASA]
Friðrik Steinn [NASA]
Jón [NASA, Pronto]
Guðmundur Kristján [NASA, Pronto]
Ari í Val [á götum úti]
Davíð í Leikni [Pronto]
Olga Sonja [á götum úti]
Ingibjörg [á götum úti]
Arnar [á götum úti]
Hildur Helga [NASA]
Helgi Hrafn [NASA]
Gunnhildur Vala [Pronto]
Anna Katrín [Pronto]
Þóra [Pronto]

...þessi listi er alls ekki tæmandi og fullt af fólki á örugglega að vera á honum en sökum minnisdoða er það ekki á honum. Endilega póstið ykkur ef þið krefjist þess að birtast á þessum lista því það er ekki amalegt að vera á honum. Hoho.

Sunnudagurinn fór í svefn, tuðruspark og almenna leti sem var virkilega þægilegt.

Mánudagurinn var mjög leiðinlegur. Sour day.

Vinnuvikan sem leið var bara sú besta. Mjög gott veður. Ég í öðru vinnuátfitti og klifrandi hátt upp á óstöðuga vinnupalla til þess að negla plast við glugga. Ég ætla gera það að leik mínum að sýna ykkur fljótlega vinnumyndir. Þær verða mjög skemmtilegar.

Í dag er sautjándi júní. Þjóðhátíðardagur Íslendinga. Mér finnst 1. desember miklu meiri þjóðhátíðardagur heldur en 17. júní því það er miklu merkilegri dagur en hinn. Kannski að 17. júní er afmælisdagur Nonna og á 17. júní er líka sumar og oftast sól. Hálf bjánalegt að vera í eitthverju bæjarkarnivali í skafrenningi og frosti 1. desember.

Fyrsta hluta þessarar færslu er lokið.

Stórfenglegt

2005-06-15T10:28:00.000-07:00

Síðasta laugardagskvöld var by far skemmtilegasta kvöld

Óafsakanlegt

2005-06-08T12:36:00.000-07:00

Um daginn eignaðist ég nýjan besta vin. Ég hef reyndar verið með honum síðustu tvær vikur en það var ekki fyrr en nýlega ég komst í raun um hversu góður vinur hann er. Hann á þó við nokkur lýti að etja en mér er alveg sama um það því hann bjargaði lífi mínu. Já, hann bjargaði lífi mínu.

Hérna er mynd af meistaranum.

Þannig er mál með vexti að ég var að rífa niður burðarbita og svo óheppilega vildi til að einn burðarbitinn hrundi úr loftinu og ofan á hausinn minn. Það var þó lán í þessu óláni að félagi minn var á réttum stað og bjargaði mér frá vísum dauða. Dauðinn á sér nefnilega margar myndir.

The fickleness of the women I love is only equalled by the infernal constancy of the women who love me.
-Bernard Shaw

Ég er næstum því heiladauður. Heilinn minn á í erfiðleikum með að vinna úr upplýsingum þó að litlar séu þær þessa dagana. Ég lifi fyrir helgarnar sem mjög súrt.

Koma með mér til útlanda, einhver?

Iðnaðarmaður

2005-05-30T13:28:00.000-07:00

Minn fyrsti dagur sem alvöru iðnaðarmaður er liðinn. Í dag komst ég að því að til þess að falla inn í hóp iðnaðarmanna þarf:
1. að segja helvítis eða andskotans í öðru hverju orði
2. reykja
3. drekka óhemju mikið af kaffi
4. eiga gælunafn sem endar á i, sama hve nafn þitt er
5. eiga bláan vinnugalla
Eins og sést fell ég ekki inn í þennan hóp og er þar af leiðandi ekki alvöru iðnaðarmaður. Það er í góðu lagi því ég komst að því einnig í dag að þeir eru sérlega leiðinlegir upp til hópa. Þetta er engin alhæfing en ... þeir eru bara mjög leiðinlegir. Faðir minn er ekki iðnaðarmaður. Hann er húsasmíðameistari. Starfsheiti hans felur í sér meistari og einnig er hann algjör meistari í eigin persónu. Því er hann stórmeistari. Og talandi um meistara þá eru Liverpool Evrópumeistarar.

Ég kem með getraun fljótlega. Hún mun vera virkilega skemmtileg og flókin.

Ástarjátning

2005-05-24T05:00:00.000-07:00

The love of my life

Post Script

Fyndnast í heimi

Háfleygt helvíti

2005-05-23T09:57:00.000-07:00

...á lífsleiðinni mun maður deyja. Þetta er alveg mögnuð tilhugsun. Það geta allir í heiminum sagt: ,,Ég heiti [e- nafn] og ég mun deyja." Dauðinn var mér ofarlega í huga í gærnótt. Ég var nýkominn heim eftir að hafa séð Revenge of the Sith, sem er alveg stórfín mynd, fór að hlusta á tónlist úr Clockwork Orange, sem er önnur stórfín mynd, og varð hugfanginn af dauðanum. Gaman ef maður gæti talað við einhvern sem hefði einhverja reynslu af honum.

Allavega. Eftir þessar dauðahugsanir langaði mig ekkert að fara að sofa. Þess í stað náði ég mér í stórt blað og ákvað að setja saman mynd. Þessi mynd er ekki fullgerð og ég ætla að leyfa ykkur að fylgjast með framgangi hennar á næstu dögum.

1. mynd

---

Á föstudaginn fór ég með mörgum nemendum fjórða bekkjar MR í próflokaferð. Ferðinni var heitið á svæði sem nefnt er Álfaskeið. Þar ætluðum við að gista yfir nótt í tjöldum. Í tjöldum. Ég gerði mér ekki grein fyrir heimsku minni fyrr en ég vaknaði nokkuð drukkinn og skjálfandi ofan í svefnpoka í tjaldi sem var við það að fjúka í burtu. Útilega í maí? Ég skemmti mér þó mjög vel þangað til mér varð kalt. Fór meira að segja í fjallgöngu með þremur góðum vinkonum mínum. Alveg pottþétt skemmtilegasta fjallganga sem ég hef farið í. Ég ásamt förneyti mínu héldum svo af stað í bæinn klukkan 06:00 á laugardagsmorgni. Ég keyrði hálfa leið.

Nú er komið að skemmtilegri mynd sem ég gerði í fótósjopp (e. Photoshop).

Hérna.

---

Að lokum vil ég óska öllum nýstúdentum til hamingju.

Post Script
Miðvikurdagurinn verður rosalegur.

Nú er kominn tími til...

2005-05-20T04:37:00.000-07:00

...að líta á rétt svör.

1. Leonid Brezhnev

2. Blökkumaðurinn Billy Preston spilaði í Get Back með Bítlunum.

3. Fuglinn heitir blackbird á enskri tungu og flugvélin líka.

4. Þorvarður Elíasson er enn þá skólastjóri Verzlunarskólans. Sölvi Sveinsson tekur ekki við fyrr en í haust.

5. Nei, ekki herbergismaður. Zimmermann er gott og gilt þýskt orð yfir húsasmið.

6. Þetta er ofurfyrirsætan Kate Moss.

7. Myndskotið er úr einni bestu hasarmynd allra tíma, True Lies með Arnold Schwarzenegger og Jamie Lee Curtis í aðalhlutverkum. Ekki amalegt það.

8. Já, feiti homminn Richard Hatch sigraði fyrstu þáttaröð Survivor á ógleymanlegan hátt.

9. Næstmarkahæstur tímabilið 94/95 er enginn annar en Robbie Fowler með slatta af mörkum. Blackburn Rovers urðu meistarar þetta tímabil með Alan Shearer í fararbroddi.

10. Million dollar question. Enginn kom með nákvæmt rétt svar við þessari spurningu. Vegna þess að hornafallareikningar eru ekki nákvæmir er námundun oftast best. Með átta aukastöfum er hornið A á myndinni 37,57186932 gráður og flestir gáfu upp einn aukastaf sem ætti því réttilega að vera 37,6 en ekki 37,5 eins og margir skiluðu.

Þá er spurningin. Er maður of harður? Þó skal hafa í huga að í stærðfræðiprófi í MR myndi sá er skilaði 37,5 ekki fá fullt fyrir dæmið. Rétt skal vera rétt. Þó vil ég fá að heyra álit ykkar á málinu.

Ekki verður tekið við fleiri svörum en endilega tjáið ykkur um þetta mál.

Getraun

2005-05-17T17:18:00.000-07:00

Getraun. Svör í kommentakerfið. Fyrstur sem svarar öllu rétt er sigurvegari. Ég er dómari. Allt er leyfilegt.

---

1. Hver er þetta?

2. Hver spilaði á píanó í laginu Get Back með Bítlunum?

3. Þessi og þessi bera sama nafn. Hvert er það?

4. Hver er skólastjóri Verzlunarskóla Íslands?

5. Hvað þýðir Zimmermann á þýsku?

6. Hver er þetta?

7. Úr hvaða frægu bíómynd er þetta?

8. Hver vann fyrstu Survivor þáttaröðina?

9. Hver var næstmarkahæstur í ensku Úrvalsdeildinni leiktímabilið 1994/1995?

10. Hvað er hornið A stórt á þessari teikningu?

---

Ath. Svör berast í kommentakerfið. Mörgum finnst það kannski asnalegt því sjá aðrir svör hinna. En svona er þetta. Ég sem reglurnar. Og munið, sá er sigurvegari er fyrstur svarar öllu rétt. Ég skoða þetta á föstudagsmorguninn. Vegleg verðlaun í boði.

Að vakna...

2005-05-16T11:51:00.000-07:00

...á frídagsmorgni klukkan 06:45 við að síminn hringi er ekki skemmtilegt. Það gerir það heldur ekkert skemmtilegra að á hinum enda línunnar er einhver andskotans fáviti að fíflast. Talandi með grínrödd og þykjast þekkja mig vel. Að heyra hluti sem særa mann klukkan sjö að morgni er ekkert skemmtilegt. Ég náði þó að sofna aftur og vaknaði illa sofinn klukkan 10:00 enda efnafræðilestur fram undan. Það reyndist þó erfitt að koma sér að verki enda mikil þreyta eftir þetta örlagaríka símtal.

En jæja...

Síðar í dag komst ég loks að því hver var að verki. Ætla ég ekki að birta nafn tilræðismannsins að svo stöddu en hann veit vel að ég er ekki par sáttur. Þegar ég náði tali af honum viðurkenndi hann að hafa verið á staðnum. Síðan laug hann og sagðist ekki hafa átt hlut að máli. Ég veit hvenær fólk lýgur að mér. Ég er sár.

Farinn í efnfræði. Bæb.

P.S. Já, ég er pirraður.

Alveg merkilegt...

2005-05-15T15:52:00.000-07:00

...hvað svona netleikir geta farið vel í mann á stórgóðum sunnudagskvöldum. Þessi er að gera mjög góða hluti. Hætti meira að segja að horfa á Dirty Harry vegna hans.

...hvað gott veður getur látið mann líða vel. Sólin lék við andlit mitt og líkama í dag.

...hvað Vala Matt getur verið...say no more. Vil ekki særa e-rja.

...að Guðjón Þórðar er strax kominn til Englands í leit að starfi.

...hvað ég er þreyttur.

Fátt um fína drætti

2005-05-14T16:28:00.000-07:00

Ég vil biðja alla Keflvíkinga afsökunar á ummælum sem birtust í síðasta pistli. Þau voru rituð í hita leiksins og með einstaka einstaklinga í huga. Svona alhæfingar eiga engan rétt á sér. Afsakið þeir Keflvíkingar sem hafa reynst mér vel, þeir hafa verið þó nokkrir.

Ég fór út í búð í dag. Í búðinni fékk ég stórhættuleg vopn í hendurnar sem geta skaðað margan manninn. Ég hef meira að segja séð þessi vopn í notkun á sinn grófasta hátt. Vopnið small í andliti einstaklings og braut það. Óhugnalegt að sjá. Vopnin sem ég tala um eru skrúfutakkaskór. Stórhættuleg helvíti. Sjáið þetta helvíti. Takkarnir á þessu gætu farið illa með hvern sem er. Þá er spurningin, af hverju er ég að fjárfesta í svona? Nú, betra grip og festa við leikvöllinn.

Ég vil Guðjón Þórðarson á þing. Hann má vera formaður Gauaflokksins! Haha! Gauarnir, gaurnir! Hann myndi skipta um flokk oftar en Gunnar Örlygsson. Það er ég viss um.

Heh...

2005-05-14T04:08:00.000-07:00

Bara búið að slátra kjeppanum? Gaui Þórðar algjör meistari. Hann er svo löngu búinn að semja við Notts County að það er ekki fyndið. Þessi maður er örugglega mjög veikur á geði en samt algjör meistari. Ég tek ofan fyrir Guðjóni Þórðarsyni og um leið er mér sama um Keflvíkingana. Vann þar í sumar. Ekki spes fólk. Keflavík gæti talist til þeirra staða þar sem mestar líkur er á að maður flosni upp úr hverju sem er og bara deyi.

Þrjú próf eftir. Ég býð þess í ofvæni að föstudagurinn 20. maí skjóti upp kollinum. Ég ætla að gera eitthvað drastic þá. Hver er með mér?

Proper sköll

2005-05-11T15:29:00.000-07:00

Kemur kannski ekki mörgum á óvart en efni flestra bloggsíðna litað af próflestri. Kemur kannski ekki á óvart enda er prófatíðin einmitt núna. Flestir MR-ingar eiga hátt helming prófanna eftir á meðan nemendur skóla á borð við Menntaskólann í Sund kláruðu prófin sín í dag. Ég á hins vegar ærið verkefni fyrir höndum í kvöld/nótt. Ég hleyp ekki undan söguprófinu á morgun nema að skyndileg bráðalungnabólga geri vart við sig. Þess vegna verð ég að lesa. Lesa, lesa. Ég er að spá í gera eitthvað sem ég hef aldrei áður gert. Drekka kaffi, vaka og lesa. Já, held að það sé tími til kominn að prófa það.

Annað sem veldur mér áhyggjum er líffræðiprófið á föstudaginn. Ég þarf að læra fyrir það á morgun. En á morgun er ég einmitt að spila í knattspyrnuleik og hef þar af leiðandi mjög takmarkaðan tíma til lærdóms. Algjört sköll.

Algjört væl.

Leiter.

Meistari.

Þvæla

2005-05-09T09:19:00.000-07:00

Ég var búinn að skrifa heillangan pistil sem innifól Liverpool og óléttar konur. Tölvan mín tók hins vegar upp á því að sýna mér þessi skilaboð og endurræsa sig svo í framhaldi af því. Sköll!

Algjört sjitt

2005-05-07T15:47:00.000-07:00

RÚV á fáa góða spretti. Í kvöld klukkan 23:25 var sýnd myndin Allt eða ekkert eða á frummálinu All or Nothing. Umsögn um myndina hljóðar svo:

Bresk bíómynd frá 2002. Penny og Phil
búa í ástlausu og gleðisnauðu sambandi
í verkamannahverfi í London en hörmulegur
atburður treystir samaband þeirra.

Leikstjóri er Mike Leigh og meðal leikenda
eru Timothy Spall, Lesley Manville, Alison
Garland, James Corden og Ruth Sheen.

Þetta er bara eitthvað sjitt. Veit ekki hve margir horfðu á þessa mynd né á hvaða aldri þeir voru. Þessi umsögn vakti ekki áhuga minn sérstaklega í ljósi þess að myndin er sýnd á RÚV. Ég ætla þó engu að síður að horfa á hana.

------

Skot í fót. Ég verð að éta allt ofan í mig. Þetta reyndist bara hin ágætasta mynd. Feiti sonurinn var alveg fáránlega fyndinn! Myndin er að fá alveg heila 7,5 á IMDB.

Leiter.

Hitch Hiker's Guide to the Galaxy

2005-05-06T15:37:00.000-07:00

Sá Hitch Hiker's Guide to the Galaxy rétt áðan. Myndin stóð ekki undir væntingum að mínu mati. Ég las bókina í vetur og fannst hún ákaflega skemmtileg og má segja að á köflum hafi bókin farið á flug. Myndin náði hins vegar aldrei því flugi, hún rétt svo hoppaði. Myndin er þó á engan hátt leiðinleg og er hér um ágætis afþreyingu að ræða.

Eitt sem gladdi mig þó mikið var að hið upprunalega lag útvarpsþáttanna (bókin var gerð að útvarpsþáttum og áttum þeir sitt eigið stef) var í upphafi myndarinnar. Mér finnst þetta lag/stef virkilega skemmtilegt og ekki er laust við að smá hrollur læddist niður hrygg minn er lagið heyrðist. Þetta lag er þó ekki samið fyrir Hitch Hiker útvarpsþættina heldur er þetta lag með The Eagles og heitir það Journey of the Sorcerer. Þið getið nálgast það með því að smella á nafnið.

--------

Á heimili mínu er allt til alls...nema baðherbergi. Baðherbergið er horfið. Móðir mín ákvað upp úr þurru að endurinnrétta baðherbergið, lét karlinn rífa allt úr því og gera upp á nýtt. Ég var fylgjandi móður minni þar til ég komst í raun um hvers mikilvæg baðherbergi eru. Að vísu er klósettið enn til staðar en ekkert annað. Vaskurinn, baðkarið, gólfið, loftið, veggþilið. Klósettið situr einmana inni í fullkomlega fokheldu rými og bíður endaloka sinna. Já, klósettið á einnig að fjúka sem þýðir að á allra næstu dögum verður tímabundið ástand þar sem hvorki verður hægt að gera númer eitt, tvö né þrjú. Mér til mikillar mæðu.

Jæja. Farinn að gera eitt, tvö eða þrjú á fráfarandi klósetti. Skiptunum á þessum gamla félaga fækkar ótt. Ég verð að nýta stundirnar vel og láta þær lifa í minningunni.

Leiter gamli.

Mjög áhugavert

2005-05-05T09:13:00.000-07:00

Móðir mín sagði mér í morgun frá merkilegri grein í blaði sem hún hafði lesið nýverið. Greinin fjallaði um rannsókn sænskra lækna á lyfi sem gerði fólk gáfaðra. Lyfið var gefið þátttakendum í tilraun einni og kom í ljós eftir nokkrar prófanir að lyfið virkaði. Ótrúlegt en satt! Lyfið er í úðaformi og áttu þátttakendur að úða lyfinu upp í nef sér þrisvar sinnum á dag, mjög svipað Nezeril. Lyfið átti að virka heilasellurnar enn frekar. Heilasellurnar okkar tengjast nefnilega með rafboðum, sá það í þætti á RÚV í liðinni viku, en stundum eru rafboðinn ekki nógu sterk og því eigum við erfiðara með að muna, hugsa rökrétt og halda einbeitingu. Lyfið styrkti víst þessi rafboð.

Ég sel þetta ekki dýrara en ég keypti það. Mér finnst þetta þó alveg stórmerkilegt.

Gáfaður?

Liverpool

2005-05-03T16:16:00.000-07:00

Þessi maður er glaður. Þessi maður er virkilega bitur, ef ekki sá bitrasti. Þessum manni stendur væntanlega á sama. Þessir tveir eru bara þarna (þessi til vinstri er einkar skemmtilegur). Ég veit ekki með þennan en mér finnst hann skrýtinn. Þetta lýsir hins vegar kvöldinu best.

Fáránlega gott kvöld.

þriðjudagur 3. maí

2005-05-03T02:37:00.000-07:00

Ég er byrjaður aftur væntanlega mörgum til ama. Það gleður örugglega ekki marga en Steindór Grétar Jónsson virðist hafa sigrað þessa kommentakeppni, væntanlega mörgum til ama.

Fyrir nokkru náði ég í útvarpsþætti sem Ólafur Teitur Guðnason stjórnaði. Þættirnir voru um sögu Pink Floyd og þótt ótrúlegt megi virðast náði Ólafur að gera þættina virkilega skemmtilega og ekki er laust við það að Pink Floyd áhugi minn hafi vaknað á ný. Þið getið hlustað á öll bestu lög Pink Floyd á netinu með því að smella hér og smella á "Visit the Echoes website".

...

2005-04-16T11:05:00.000-07:00

Hef tekið mér hlé.
Kem aftur um leið og áhuginn vaknar.

Á meðan verður keppni.
Sá sem á neðsta kommentið þegar ég byrja aftur fær vegleg verðlaun.